【無雙】黃子華「銀髮Look」撐場 首映禮星光熠熠

圖︰《無雙》首映禮星光熠熠,出席名人包括︰(左起)張崇德、劉美娟、黃子華、劉兆銘、張達明。(劉美娟fb圖片)

由「發哥」周潤發、郭富城主演的電影《無雙》,昨晚(2日)舉行首映禮,現場星光熠熠,黃子華更以「銀髮Look」驚喜現身!其他出席首映禮的名人包括︰張崇德、劉美娟、劉兆銘、張達明、「四哥」謝賢、鄭中基夫婦及曾俊華等等。

發哥教運動︰每日原地踏步15分鐘

而台上,大會司儀區永權問發哥運動心得,發哥話,每日原地踏步15分鐘;更即示範場原地踏步,仲叫埋區永權同郭富城一齊踏步!城城亦不忘展示「舞王」風範,真係原地踏步都踏得型過人;不過一停低,發哥就行去叫城城繼續做,仲叫佢做好啲呀!

發哥輕輕鬆鬆示範邊行邊做訪問,行足10分鐘;區永權就喘晒氣兼流晒汗,出名親民嘅發哥就主動拿紙巾畀佢抹汗。

圖︰張崇德、劉美娟同發哥、發嫂合照。(劉美娟fb圖片)
圖︰仲有廖啟智。(劉美娟fb圖片)
圖︰《無雙》將於10月4日公映。(fb圖片)
分享: