【揸寶馬出入】江嘉敏暗交富貴電競男友 西貢村屋密會!

圖︰江嘉敏形象清純,早前先話自己單身,卻被傳媒影到佢同男友到西貢村屋過夜。(ig圖片)

23歲江嘉敏形象清純,係唔少宅男心目中嘅女神。雖然佢早前仲話自己單身,不過就被傳媒影到,佢同一名年約30歲嘅6呎高男友十指緊扣,並到西貢一村屋密會兼過夜。

據報道,江嘉敏男友年約30歲,為電競公司高層,名叫Anthony;佢家住太子道西千多萬豪宅,平時仲會揸寶馬出入㗎!

曾被指做「小三」 向王浩信主動獻殷勤

江嘉敏曾於劇集《親親我好媽》演學生,更獲宅男盛讚清純,但又不時傳緋聞,如︰被指做「小三」,與王浩信拍攝《兄弟》時主動獻殷勤,又私下與對方傳短訊。江嘉敏一直都話自己單身,點知被傳媒影到同男友去西貢村屋過夜、手拖手行街、去食飯醫肚,男友又經常揸車接載佢返工。

其實江嘉敏一直與家人居於跑馬地,在西貢租住偏僻村屋,相信都係為免戀情曝光,影響「上位」。

分享: