【秘戀12年!】薛家燕自爆男友曾兩度求婚 唔答應係因為……

圖︰薛家燕最近自爆有位拍拖12年的男朋友。(網上截圖)

現年68歲的薛家燕,最近接受傳媒訪問,竟自爆有位拍拖12年的男朋友!她以「A君」稱呼男友,透露對方比自己年輕10多歲,更曾向她兩度求婚。其實家燕姐自1995年離婚後,一直都冇咩提自己嘅感情事,今次自爆秘戀12年,又指二人感情穩定,咁又點解唔嫁呢?

「最緊要兩個人開心」

家燕姐曾於1983年結婚,二人育有3名子女;不過其後發現男方「偷食」,最後更拋家棄子,她到1995年才以遺棄多年為由成功離婚。事隔23年,家燕姐已有一位拍拖12年的男朋友,最近兒子Jackson結婚,更榮升奶奶,苦盡甘來,她卻沒有再婚,認為「最緊要兩個人開心」。

她受訪時提到,「年紀都咁大,好開心有個傾得埋嘅朋友,都諗住演唱會之後抽多啲時間陪家人同埋… 喜歡嘅人,其實我心入面都有啲內疚,咁多年都好忙,所以今個聖誕都推咗演出,可以去開心吓,同家人諗住去歐洲,但阿女話歐洲聖誕節好多地方都唔開,所以仲度緊。」據悉,「A君」是一位商人,如今從香港到上海創業;家燕姐有時出差到內地工作,同時也在百忙中抽空見男友。

雖然男友希望結婚,但已適應現時生活,最緊要兩個人開心。而家燕姐的3名子女都接受「A君」;但起初都有擔心,因男友比她年輕10多年,不過對方一直對她很好,仔女都放心了。

分享: