【重提送花事件】派台歌講背叛 吳若希老公要送101支花原因係……

圖︰吳若希同老公如今相親相愛,但Alex原來都曾經做錯事,仲搞到送花要送101支!(ig圖片)

結婚、生B之後,吳若希復出喇!最近佢忙於宣傳派台歌《為何你要背叛我》,而呢首歌亦係TVB劇集《再創世紀》嘅插曲。由於歌詞講感情需要坦承,先至做到互相信任;吳若希自然要重提一下,老公Alex當年嘅「送花事件」啦!

Alex情人節曾送花畀其他人 吳若希18支vs對方99支

話說佢同Alex仲係拍緊拖時,有記者發現Alex於情人節送花畀其他人;而且對方送到99支花,吳若希只係得18支咋!吳若希話,佢之後都有問番Alex點解要咁做,「但男人都係避而不談。」

事件發生於大約兩年前,當時仲未係吳若希老公嘅Alex,於「送花事件」曝光後,都有喺facebook發聲明,向吳若希「剖心」同公開道歉㗎!如今二人已結婚,仲生埋囡囡;Alex仲叫吳若希放心,話以後送花一定多過99支!所以吳若希如今都會收花,都會有101支。

據知,「送花事件」嘅另一女主角都嫁咗人、生埋B,而呢件事亦成為佢哋夫妻之間既尷尬又搞笑嘅往事。

分享: