【結婚21年】劉小慧、蘇志威恩愛依然 究竟佢哋點樣維繫感情?

圖︰劉小慧、蘇志威結婚21年仍非常恩愛,究竟佢哋點維繫感情?(fb圖片)

劉小慧同蘇志威結婚21年,至今仍非常恩愛,令唔少夫妻羨慕不已!劉小慧最近接受媒體專訪,透露一開始就認定蘇志威係Mr. Right;而佢哋嘅感情可以維繫得咁好,原來係有秘訣㗎!

每晚坐喺廚房傾偈?

劉小慧話,佢同蘇志威每晚都會坐喺廚房傾偈,仲起碼傾一個鐘!「佢會同我講今日做過咩,我又話畀佢聽我今日做過咩、發生咩事……呢個好重要,溝通!」劉小慧直言︰「呢個就係我哋同一般夫婦嘅分別。」

成日溝通,夫妻間自然冇秘密,「如果你有你空間,我有我空間,啱嘅,我唔係要干涉,至少我要有個知字。」對於蘇志威「爛玩」,劉小慧就話她:「我覺得ok,咁佢平時做嘢咁辛苦,佢放鬆就係玩,咁咪玩囉!齋玩無問題,唔係玩女人就得,玩咩都得。」佢更加直言,「呢個老公係好啱我嘅!」

圖︰劉小慧同蘇志威育有兩囡,大囡Yumi仲剛剛去咗日本讀書。(fb圖片)
分享: