【開心速遞】佈景板冇加謝芷倫? 網民擔心Mandy被Out!

圖︰Jan嘅靚樣未有出現於布景板,令人擔心「Mandy」一角係咪會被Out!(ig圖片)

TVB處境劇《愛‧回家之開心速遞》嘅一班演員日前齊齊出席活動,點知畀眼利網民發現,當日活動嘅佈景板冇咗飾演「Mandy」嘅謝芷倫(Jan)!其實Jan同馬貫東嘅感情線,唔少觀眾都好鍾意,消息一出,唔少網民都擔心Jan要離開劇組呀!

呂慧儀、許家傑都有相!

唔少網民喺網上討論區留言,話戥Jan唔抵,覺得應該要加番佢落宣傳相片;更有人話,擔心Jan係準備離開劇組而「被消失」呀!睇返塊佈景板,除咗有好受觀眾歡迎嘅送水輝同大小姐,「熊氏」嘅呂慧儀、許家傑等人都有樣出㗎!

至於Jan,心情似乎未受影響,仲喺社交網分享自己出席活動嘅靚相,仲留言話︰「話說當天有個小女孩好喜歡我條裙,話係公主裙,要爸爸買畀佢。」

圖︰Jan同馬貫東於劇中嘅感情線,唔少觀眾都好鍾意!(影片截圖)
分享: