【首次現身公開活動】Kōki任Chanel宣傳大使 星味十足!

圖︰Kōki獲多個國際知名品牌青睞,最近更成為CHANEL宣傳大使。(ig圖片)

「最強星二代」Kōki又有新動向!雖然出道短短半年,但木村拓哉與工藤靜香嘅15歲細女木村光希,已獲多個國際品牌青睞。今日(27日),Kōki更以Chanel宣傳大使之名,首次出席日本公開活動!佢喺鏡頭前表演淡定,更不忘展露甜美笑容,真係星味十足㗎!

「A級身價」 初出道已成Bulgari品牌大使

Kōki如今已成「A級身價」Model,初出道已成Bulgari最年輕嘅品牌大使;今次Kōki又成為Chanel宣傳大使(beauty ambassador),會主力宣傳該品牌嘅化妝品。今年7月,Kōki於ig分享佢現身巴黎Chanel時裝騷嘅相片,媽咪工藤靜香亦有同行;過仲兩個幾月,Kōki就可以同品牌合作,認真犀利!

昨日Kōki分享佢坐車到沙灘影相,仲話︰「Had lots of fun shooting at the beach! (在沙灘拍攝非常愉快!)」睇嚟Kōki好享受咁多姿多彩嘅Model生活喎!

圖︰Kōki分享自己到沙灘拍攝。(ig圖片)
圖︰Kōki今日(27日)宣布自己成為CHANEL嘅宣傳大使,主力宣傳品牌嘅化妝品。(ig圖片)
圖︰Kōki今年7月同工藤靜香去巴黎,出席Chanel嘅時裝騷。(ig圖片)
分享: