【怕被借上位?】 除了單文柔 陳展鵬只認愛她……

圖︰陳展鵬曾與多位女星傳緋聞,不過咁多年來,除咗未婚妻單文柔,就只承認過姚嘉雯(右)一位前女友。(網上截圖)

現年41歲嘅陳展鵬,即將與細佢13年嘅單文柔(Phoebe)結婚;最近展鵬更於受訪時表示,「娛樂圈五光十色,我會懷疑想同我一齊嘅人係咪想借我上位。」唔知係咪因為咁,展鵬雖然同過多位女星傳緋聞,包括︰鍾嘉欣、黃智雯、胡定欣;不過咁多年來,除咗未婚妻單文柔,就只承認過一位前女友,就係08年亞姐冠軍姚嘉雯。

分手後承認戀情 「唔想耽誤佢嘅幸福」

展鵬曾於受訪時談及與前度分手的原因,指分手係因為自己為事業搏殺緊,拍劇時間又長,拍拖連見面時間都冇,因此唔想耽誤女友嘅幸福,先忍痛分手!據悉,姚嘉雯一直希望於30歲前出嫁,而展鵬就承認曾與姚嘉雯拍拖兼同居,但戀情只維持3年。至2012年,姚嘉雯秘密與內地李姓地產商人註冊結婚,及後宣布懷孕,仲話老公想生4個。

至於展鵬,最令人覺得疑幻似真嘅緋聞女友,就係同佢一齊拍《城寨英雄》嘅胡定欣。展鵬於台慶奪得視帝後,在眾多媒體面前鍚胡定欣面頰,令二人戀情愈吹愈烈!不過,到拍攝《同盟》時,展鵬被爆與單文柔相戀,佢同胡定欣之間嘅緋聞亦隨之結束。展鵬更對外稱︰「我從來冇同胡定欣拍拖」,有指令胡定欣心碎。

如今展鵬對外指,懷疑想同佢一齊嘅人想借佢上位,唔知又講緊邊一位呢?

圖︰陳展鵬當年與胡定欣拍攝《城寨英雄》,二人事業登上高峰之餘,亦傳出緋聞。(網上截圖)
圖︰展鵬願意高調與單文柔相戀,有指與單文柔的簡單、自然、冇機心有關。(網上截圖)
圖︰陳展鵬與鍾嘉欣2012年參演《巨輪》一劇,因飾演情侶而被指戲假情真。(TVB劇照)
分享: