【慈善基金捲金錢糾紛?】黃夏蕙凌晨3點發文 「冇人能阻止我做慈善!」

圖︰「夏蕙慈善基金」捲入錢銀糾紛,搞到夏蕙姨凌晨3點發文「爆seed」!(fb圖片)

「我只可以好肯定講一句,冇任何人同任何事,能夠阻止我做慈善嘅心,因為老人家無依無靠係好慘嘅事,所以我已經鐵了心,善用『夏蕙慈善基金』為老人家做好多好多善事嚟幫佢地(哋)安享晚年。完。」有咩驅使黃夏蕙凌晨3點發文「爆seed」?相信係愛、亦係責任。

最近,黃夏蕙於2016年12月5日成立嘅「夏蕙慈善基金」,被捲入金錢糾紛;令一向為善不甘後人嘅夏蕙姨非常憤怒!

稱近日於FB受騷擾

夏蕙姨在帖文首先話,「我唔出聲,唔代表我唔知!」佢之後表示,近日喺Facebook受到騷擾,有人不斷登出佢嘅名同相片,想引佢作出回應,「我只可以同妳講,『曾經受了教訓,得了歷史的指引!』21年前的我,因為我強出頭,幫姊妹爭公道,引來香港人嘅笑話,21年後今日嘅我,只會用:『唔屬於自己嘅事,一定唔會理!只會一笑置自知!』嘅態度處理。」

之後文中又暗示事件似乎與其契仔有關,並提及一人全名,並續指︰「叫得我做契媽,為人必須向善,團結一致,可以鬧人(因為我都經常鬧人),不過千萬唔可以害人,可以成為契仔契女就係一種緣份。我要每一個契仔契女行出黎(嚟)都可以昂然闊步,腳踏大地;面向人群。成為人中龍鳳。」

分享: