【瑪利諾出靚女】薛芷倫抗癌後買新居 同校名人做緊乜?

圖︰薛芷倫、章小蕙、林珊珊都係瑪利諾女校出身。(網上截圖)

現年54歲、有「一代ball后」之稱的薛芷倫,2009年患上乳癌,其後於2014年接受訪問,表示因化療出現併發症而皮膚組織受破壞,令其容貌改變,外界卻誤以為她整容失敗。薛芷倫去年將其淺水灣住宅以1億4400萬元賣出,今年以1億購入富豪海灣獨立屋,一個人自住。

俗語有話︰「瑪利諾出靚女」,同薛芷倫同校出身嘅名人,如今又有何發展?

章小蕙

章小蕙(Teresa)曾經係攞住結他自彈自唱嘅清純女歌手,更憑靚樣先後俘虜鍾鎮濤同人夫陳曜旻;可惜離婚後嘅竟然接拍三級片,雖然取得影后,但佢未有繼續在幕前發展,05年更移居美國。

Teresa近年間中都會設香港,但就被媒體拍得她身型發福、走晒樣,頭髮蓬鬆咁行商場。雖然冇再活躍於幕前,但Teresa依然咁貪靚,又睇鞋、又掃化妝品,仲要即買即補妝!

林珊珊

至於著名DJ及歌手林珊珊,早於中學時已經好有領導才能。佢當年做DJ爆紅,但在事業如日方中之際,佢竟然決定同前香港游泳代表李啟淦男友到美國生女,消息轟動娛樂圈!二人育有大女李澄(西瓜)同細女李怡(野人),可惜婚姻只維持4年就離婚收場。

如今西瓜即將踏入31歲,而林珊珊睇過依然年輕,二人合照時似足兩姊妹!雖然林珊珊同前夫李啟淦分開咗,但二人都十分愛錫一對女兒,西瓜於商台做DJ時,仲會每星期過爸爸屋企住㗎!今年9月初,眾星舉行《環球高歌陳百強演唱會》,林珊珊除咗為演唱會作獨白、獻聲說故事,仲應陳奕迅(Eason)要求,一同合唱《再見Puppy Love》一曲,為演唱會畫上完美句號。

圖︰薛芷倫因癌病變樣,卻被指整容失敗。(網上截圖)
圖︰章小蕙曾與鍾鎮濤結婚,可惜最後離婚收場。(微博圖片)
圖︰(左起)林珊珊與大囡西瓜感情好好,二人睇落似足兩姊妹。(ig圖片)
分享: