【係愛呀…】與黃子雄拖手、心心手 劉美君︰唔好傻豬,我哋冇拍拖

圖︰劉美君同黃子雄一齊過中秋。(ig圖片)

最近於《全民造星》擔任導師的劉美君(Prudence),今日(26日)在ig分享她與「無綫御用有錢人」黃子雄(Geoff)嘅心心相,仲留言咗一大段文字解釋,並話︰「唔好傻豬,我地無拍拖,不過你地喜歡可以繼續幻想。」又hashtag「bff」,指二人並非拍拖,而係好朋友!

曾經歷兩段婚姻 如今單身

曾經歷兩段婚姻、如今單身嘅Prudence,早前曾喺社交網晒佢同Geoff嘅拖手相,惹來外界對佢哋嘅拍拖揣測;當時Prudence極力否認,仲話眼見嘅事未必為實,有好多人會為事件捏造故事。而Geoff同Prudence不時會一齊行街、睇戲,日前,Geoff仲同韋綺姍仲上咗Prudence屋企慶中秋呀!

Prudence經歷過兩段婚姻失敗,育有3個13至34歲嘅囡囡;2017年10月,佢宣布同相戀8年嘅混血男友Steve和平分手,回復單身。53歲嘅佢平時早睡早起勤練瑜伽,有時更會留守加州湊孫;最近就忙於拍攝ViuTV《全民造星》節目,生活多姿多采。

圖︰Prudence非常注重健康,食蘋果都會揀有機的!(ig圖片)
圖︰劉美君、黃子雄月前一齊去睇戲。(ig圖片)
圖︰劉美君同黃子雄曾經手拖手。(網上圖片)

分享: