【萬千寵愛】19歲何超欣讀書叻愛跳舞 原來仲鍾意……

圖︰超欣如今已19歲。(微博圖片)

賭王四太梁安琪孻女何超欣,如今已19歲,佢細細個就畀爸爸大讚︰「靚到不得了!」超欣唔止靚女,仲讀書好叻,自己揀要去美國讀麻省理工學院;同時又愛跳舞,無論芭蕾舞、中國舞呀、交際舞都鍾意跳。不過,原來閒時超欣都愛煲劇㗎!仲話自己由《還珠格格》,到最近大熱嘅《延禧攻略》等嘅古裝劇都鍾意。

11歲已有物業 現有6億物業揸手

超欣11歲已有物業,去年四太梁安琪以13億掃山頂豪宅Mount Nicholson四個單位,當中兩個,就係留畀超欣「學投資」,物業總值6.464億;作為90後嘅超欣,現時至少有3個物業揸手!又靚、又叻、又有錢,當然係城中「筍盤」啦!

不過,要成為超欣嘅「白馬王子」都真係唔容易。超欣自言未拍過拖,對男友條件冇咩idea,「過到爹哋、媽咪、家姐同阿哥個關就得。」而超欣哥哥何猷君就曾經在妹妹生日時,送上一枚戒指,仲話︰「男生們請注意:我妹妹已經有戒指,所以你們都沒機會的啦,請試也別試!夠膽碰我妹妹的,我會把你殺掉,然後開開心心的去坐牢坐一輩子!」

似乎要同超欣一齊,都真係要有「冒死」嘅決心呀!

圖︰超欣細細個已生得好靚、好可愛。(網上截圖)
圖︰哥哥何猷君為超欣慶生。(網上截圖)
圖︰超欣穿上晚裝,十分高雅大方。(微博截圖)
分享: