【唔通被求婚?】何超盈28歲生日收鑽戒 「OK, I Say Yes.」

圖︰何超盈今日(24日)28歲生日,一大班朋友同佢一齊慶祝!(微博圖片)

四太梁安琪大女何超盈(Sabrina)今日(24日)28歲生日,一班好朋友昨日(23日)為佢開Party,送上驚喜!超盈更喺ig上載一條短片,見到仁濟前主席嚴玉麟囡囡嚴紀雯(Carmen)送禮物畀佢,Sabrina一打開,竟然一隻鑽石戒指!Sabrina見到鑽戒,二話不說,即刻講「Ok, I Say Yes」,認真搞笑!

生日切5個大蛋糕

睇番Sabrina嘅生日派對相,除咗好姊妹Carmen之外,媽咪梁安琪、馬天佑等人都有出席。Sabrina面前送有5個生日大蛋糕;現場佈置仲非常有心思,一班好友預備咗好多氣球用嚟裝飾同影相。

而送上鑽戒嘅Carmen,一早就「名花有主」,佢今年初更獲拍拖一年幾嘅男友於洛杉磯求婚,準備「升呢」個人妻!Carmen向Sabrina送上禮物時,仲話呢份禮物好有意思,相信佢都好想睇到好姊妹搵到幸福。其實Sabrina都單身咗一段時間,唔知佢嘅生日願望,會唔會係快啲有得Say Yes呢?

分享: