【第一次演唱】吳謹言做張杰演唱會嘉賓 自言唱功普通「夠膽就來聽!」

圖︰吳謹言日前於張杰演唱會擔任嘉賓,並獻出第一次於台上唱歌。(微博圖片)

現時身處香港嘅「魏瓔珞」吳謹言,前日(22日)夜晚先現身杭州黃龍體育中心,擔任內地男歌手張杰嘅演唱會嘉賓,仲獻出第一次,於觀眾面對大開金口,與張杰合唱《我們都一樣》。吳謹言開騷前已經在微博自言,「我的唱功不像我的眉毛那般出眾」,不過又不失霸氣咁補返句︰「夠膽就來聽!」

「唱完了手心還在冒汗!」

今次演唱會可以話係全院滿座,而吳謹言更加要推Job嚟做嘉賓㗎!原來吳謹言同張杰都係成都人,為咗支持同鄉,仲獻出埋第一次,就係唱Live喇!吳謹言於微博又話:「作為後輩和老鄉,能夠受邀參與到杰哥的演唱會當中十分榮幸,歌曲聽了不下八百遍,詞曲早已爛熟於心,現場拿着紙條也是為了接詞走位,只是我的唱功不像我的眉毛那般出眾,明天(22日)我就努力去唱,夠膽就來聽喔!」

據知,吳謹言在當晚的演出如她所言,真係「眉毛出眾啲」,因為要唱男Key,吳謹言聲音比較低沉,音準都唔太穩,但台風好,仲同張杰喺台上講笑;而張杰就叫佢唔好緊張。吳謹言事後喺微博留言話:「演唱會初體驗,唱完了手心還在冒汗!感謝杰哥,今晚很開心!」唔知香港Fans之後會唔會有機會聽到吳謹言唱Live呢?

圖︰吳謹言開金口,唔聽得都睇得!(微博圖片)
圖︰第一次公開唱Live就要面對咁多觀眾,真係好犀利呀!(微博圖片)
圖︰吳謹言同張杰都係成都人。(微博圖片)
分享: