【咁快認中女?】26歲歐鎧淳孖男友遊樂園 自稱與公仔影相「冇廉恥」

圖︰歐鎧淳與男友胡子彤遊主題樂園,卻自認係「冇廉恥排隊去同公仔影相嘅中女」。(ig圖片)

香港「女飛魚」歐鎧淳,日前同男友胡子彤去咗主題樂園玩「哈囉喂」活動;歐鎧淳昨晚(23日)在ig先後分享多張與「哈囉喂」主題公仔嘅合照,並留言︰「呢堆相證明我就係一個冇廉恥排隊去同公仔影相嘅中女。不過暗黑版嘅吉蒂真係好正。」又唔係冇排隊、都係影吓公仔相,26歲嘅歐鎧淳又何話自己「冇廉恥」同「中女」呢?

「post想post嘅,講想講嘅」

相片中嘅歐鎧淳似乎影得好開心,佢同胡子彤更分別戴住「哈囉喂」主題嘅公仔發光戒指合照,真係好Sweet!其實以往歐鎧淳都好少Po自己同男友嘅合照,點解今次又會一連分享咁多佢同胡子彤嘅相?

歐鎧淳於ig留言指︰「呢幾年開始越寫越多唔屬於自己嘅說話。我管不了你,你又管不了我開心。茅塞頓開全因為琴日嘅一個講座 (感受太澎湃,罄竹難書!) post想post嘅,講想講嘅,caption打第一時間諗到嘅。係咁先。」佢更加強勢宣布,自己嘅個人instagram回歸喇!做返自己,輕鬆晒!

圖︰睇吓歐鎧淳幾開心!(ig圖片)
圖︰呢張感覺好少女。(ig圖片)
圖︰究竟點解話自己似中女?(ig圖片)
圖︰歐鎧淳仲分享「男友視角」相片。(ig圖片)
分享: