【陀巨肚倒立】Coffee分享瑜珈相 嚇到網民留言嗌唔好!

圖︰Coffee陀B已經8月,大住肚做倒立,又係幾驚險嘅!(ig圖片)

前排張鈞甯先幫懷孕中嘅好友陳意涵問網友︰「孕婦到底可以做哪些運動?」昨日(20日),Coffee(林芊妤)於ig上載嘅一張大肚倒立相,就引來網民嘅熱烈討論,唔少人都叫Coffee小心,唔好做埋啲咁危險嘅動作呀!不過Coffee之後逐一回覆網民,話呢個係佢做咗10年嘅動作,「跟正常人站著一樣穩實」。

網民質疑︰大肚可以做倒立咩?

唔少網民見到Coffee呢張倒立相都感到好不安,有網民質疑︰「大肚可以做倒立咩?」、亦有網民話:「有無諗過失手後果會係點,為了影一張相值得咩」、「難到唔高,但肚入面d臍帶有機會因上下倒轉育動纏住bb喎。」有網民甚至覺得Coffee係為呃Like先咁做,搞到Coffee要逐一回覆網民!

其實Coffee本身係瑜珈導師,加上佢懷孕初期身形都keep住咁fit,大肚依然見到馬甲線,令好多陀緊B嘅媽咪好羨慕!Coffee之前都有在ig分享佢陀B做運動同玩瑜珈嘅相同短片,當時已經有好多人提醒佢要小心,今次陀住8個月BB做倒立,睇落又真係好驚險喎!而且之前Coffee話過胎盤前置,可能要開刀生BB,「醫生都話留喺香港休息吓好啲,不過佢話一定唔關我做運動事,可能我之前做過子宮手術。」

Coffee回應全文︰

這是我懷孕前後
每天也會練習的瑜珈動作
而我做倒立的方法很安全
也有10年的倒立經驗
跟正常人站著一樣穩實
每個人的體質和準則也不一樣
所以將懷孕前運動量減半即可
加上我是瑜珈導師
知道有哪些動作孕婦要避免
激烈轉身向前彎向後彎
或訓練腹肌和壓到寶寶的動作
我在孕期也有避免的
而沒有練習過頭倒立的人
我相信也不會突然懷孕後去做
所以謝謝你們關心喔

圖︰Coffee即使大住肚都keep住做運動。(ig圖片)
圖︰Coffee仲即慶飛韓國旅行。(ig圖片)
圖︰因為Coffee陀B期間都有做運動,先可以做到「長胎唔長肉」。(ig圖片)
分享: