【後生仔傾吓偈】馮盈盈得罪未來奶奶? 出事行為逐個捉!

圖︰馮盈盈分分鐘得罪咗未來奶奶都唔知呀!(影片截圖)

《#後生仔傾吓偈》最近一集再以「最不可得罪的人」為題,內容主要為講婆媳關係,同醫生男友感情好穩定嘅馮盈盈,當然畀人問佢同未來奶奶嘅相處之道啦!點知24歲嘅馮盈盈,唔止平日主持節目言論出位,原來對於婆媳相處之道都真係冇咩概念㗎!唔講出嚟,都唔知自己已經好大機會得罪咗未來奶奶;睇吓馮盈盈做咗咩出事行為先……

大忌一︰平日言論太激

馮盈盈聲稱,未來奶奶好隨,又好遷就佢醫生男友,平日見面,大家都好容氣;但馮盈盈都係覺得差少少嘢…… 大家想像一下,如果你就係馮盈盈嘅未來奶奶,睇住佢做節目時嘅言論,對住真人時,應該都會好客氣吧!

另一位主持陸浩明(6號)就話︰「(未來奶奶)怕問太多會被覺得八卦,但其實你啲嘢睇報導、上網都知道晒……」6號更不停講返馮盈盈在《#後生仔傾吓偈》嘅出位言論,例如︰點解第一次拖手會濕晒等;其實大家對於馮盈盈言論大膽嘅形象經已深入民心,平日言論咁激,未來奶奶又會點諗呢?

大忌二︰食飯唔幫手

當6號教馮盈盈要趁家庭聚會,表現出好照顧男友,挽回返啲好印象嘅時候;馮盈盈突然好驚訝咁話︰「真㗎?我仲同寶寶講想飲水……」咁食飯時,幫手煮飯、執碗嗰啲呢?馮盈盈面都青晒話無,「有時想幫手拎啲碗入廚房,但奶奶都會叫我休息。」唉,呢方面又真係太乖、太聽話喇!

當有後生仔問有無馮盈盈幫手「盛飯」,馮盈盈唔知係聽唔清楚,定係聽唔明,竟然問:「乜嚟㗎?」你估未來奶奶會點諗呢?

大忌三︰搞到男友沉迷打機

馮盈盈又自爆之前送咗部遊戲機畀寶寶,可以想像到寶寶有幾開心嘅!不過,搞到男朋友日夜沉迷打機,就真係會得罪未來奶奶喇!

試想想,如果你係未來奶奶,見到自己做醫生嘅囝囝日日機不離手,會唔會擔心囝囝打機傷神、打到冇精神、工作能力下降…… 你估未來奶奶會唔會介意,甚至怪罪送遊戲機畀囝囝嘅人呢?

大忌四︰轉送贊助商禮物畀未來奶奶

送禮真係一個好大嘅學問嚟,送禮物畀未來奶奶,亦都係展示體貼同關心嘅好機會。馮盈盈話,自己對未來奶奶好好,「知道未來奶奶關節痛,我特登拎啲贊助……」講到呢度,一眾主持即刻話馮盈盈唔應該轉贈贊助商禮物,又笑言︰「就算係真你都唔好講嘛!」

咁生日禮物呢?都係一個好嘅時間表心意。點知馮盈盈話,男朋友連未來奶奶生日係幾時都唔知,令佢無得準備禮物…… 到6號提出︰「auntie生日你哋一齊去買禮物,佢會好開心。」馮盈盈竟然笑住話︰「但係我寶寶話,令佢哋(未來老爺、奶奶)開心,係快啲生個孫比佢哋湊喎。」

只可以講,馮盈盈嘅未來奶奶又開明、又隨和,仲好有愛心同忍耐力經人!大家唔想惹來婆媳糾紛,千祈唔好犯以上呢啲大忌呀!

圖︰「性博士」馮盈盈,之前講到女明星被移花接木都AV,講到幾興奮呀!(影片截圖)
圖︰馮盈盈同男友鍾文浩。(ig圖片)
圖︰馮盈盈被封「貼地港姐」之前,被指係「粗口港姐」。(ig圖片)
分享: