【囝囡獻吻】張繼聰左擁右抱 「哥哥真心,妹妹借位!」

圖︰唔知係咪近排太努力教妹妹「哼」人,阿聰留言話︰「哥哥真心,妹妹借位!」認真搞笑。(ig截圖)

張繼聰(阿聰)不時於ig分享佢同囝囡嘅互動,日前又貼出佢「左擁右抱」囝囡嘅相片,見到阿聰用強而有力嘅雙臂,右手抱住囝囝張瞻、左手抱起囡囡張靖,而囝囡都有錫錫爸爸㗎!不過唔知係咪近排太努力教妹妹回應男仔約佢去街嘅反應,阿聰留言話︰「哥哥真心,妹妹借位!」認真搞笑。

網民︰妹妹想錫哥哥多啲

唔少網民見到阿聰「放閃」,都忍唔住留言話︰「男人能夠左擁右抱唔係個個都可以,所以你話你有幾幸福」、「女仔怕鬍鬚吉(拮),快啲剃鬚包佢用嘴錫你」,亦有網民話,妹妹想錫哥哥多啲。

睇返原圖,張瞻同張靖雖然都有將嘴仔貼埋爸爸塊面,但明顯見到張瞻係大啖錫落去,而妹妹就冇嘟嘴,只係做個樣!

分享: