【學生Look搶眼!】馬浚偉讀北大EMBA 踩單車返學女學生爭住合照

圖︰馬浚偉於北大讀EMBA課程,重返校園。(微博圖片)

馬浚偉成功考入北京大學嘅EMBA課程,為迎接新學年,馬浚偉仲一早訂埋校服、書包等用品,日前更同大家分享自己嘅校服Look:「穿上自訂校服帶着新書包戴上校徽在北京大學校園騎共享小黃車,我今天做了!」仲要踩埋單車,「那些年」嘅感覺仲唔返晒嚟?仲吸引埋女學生要同佢合照呀!

專登着西裝 搵番做學生嘅感覺!

其實而家嘅北大學生又邊會着到咁正式呀,可能都係T-shirt、牛仔褲咋!但馬浚偉就話,自己係專登咁着,想搵番做學生嘅感覺。

睇佢分享嘅相,見到呢位馬同學已經整咗3套西裝做校服,兩套比較正式,另一套就係smart casual;仲有個皮袋做「書包」,仲帶埋筆袋同紙去抄notes㗎!不過又要讀書,仲要兼顧工作同創作,又要四圍飛,馬同學真係要努力呀!

圖︰為咗迎接開學,馬同學一早做好新「校服」。(微博圖片)
圖︰開學,當然要準備定書包啦!(微博圖片)
圖︰唔少北大女學生已經成功同到馬浚偉合照啦!(微博圖片)
分享: