【開心速遞】送水輝製造驚喜反被罵 大小姐︰我唔想再見到你呀!

圖︰預告片中,大小姐好嬲咁鬧送水輝!(影片截圖)

喺無綫處境劇《愛.回家之開心速遞》入面,大小姐(林淑敏飾)同送水輝(許家傑飾)一直係最受歡迎兼最甜蜜嘅一對!點知,今晚(20日)播出的一集,當送水輝送上驚喜時,竟然畀大小姐鬧;究竟點解大小姐咁嬲?佢哋最後又可唔可以和好如初?好快就會知道喇!

送水輝嗌小蓮 大小姐︰小你個頭呀!

睇返預告片先,其中一幕講到送水輝拎住蛋糕同一盒月餅,仲點埋蠟燭「製造浪漫」;佢同大小姐講:「Surprise!」竟然被大小姐話:「開返盞燈啦,死蠢!」送水輝即刻好緊張咁道歉話︰「Sorry呀,小蓮。」大小姐就嬲爆咁鬧佢:「我小你個頭呀!我唔想再見到你呀,你同我走!」送水輝真係慘慘豬!

睇返TVB網嘅每集內容,提到大小姐為咗迎合鄧總,拉咗若水等「麻雀高手」同佢惡補牌技;仲因為咁而唔記得自己約咗送水輝!送水輝之後趁大小姐一個人喺辦公室,就學博思咁畀驚喜人!點知就引起上述嘅呢一幕大小姐鬧爆送水輝。

之後鏡頭一轉,就係二人都好sad嘅模樣,仲有往日甜蜜嘅回憶片段彈返出嚟;唔通玩鬧分手?

圖︰送水輝同大小姐拍拖,一直都好冧㗎!(影片截圖)
圖︰送水輝仲會餵大小姐食嘢!(影片截圖)
圖︰因為大小姐同送水輝呢一對好受觀眾歡迎,林淑敏今年仲孖住許家傑,去沙灘拍TVB宣傳片。(ig圖片)
分享: