【去巴黎‧接新Job】Kōki工作一浪接一浪 預告11月公佈詳情!

圖︰Kōki正身處巴黎,仲話有新Job呀!(ig圖片)

15歲「最強星二代」木村光希(Kōki),自從5月入行至今,憑「A級身價」躍升為「Model界新星」;人氣仲勁過爸爸木村拓哉同媽媽工藤靜香!最近,Kōki於ig分享自己去咗巴黎接新job,仲預告要到11月先可以公布詳情,真係工作一浪接一浪。

香取慎吾都喺法國!

同一時間,木村拓哉嘅SMAP舊隊友香取慎吾都喺法國!原來香取慎吾正於羅浮宮開個展,連草彅剛、稻垣吾郎都有到場支持㗎!網民見到都喺度估,究竟Kōki會唔會去羅浮宮,欣賞呢個展覽呢?

之前一直盛傳,Kōki媽咪工藤靜香,就係教唆木村拓哉,令1988年成立嘅日本組合SMAP解散嘅「幕後黑手」!而香取慎吾於SMAP解散後,開始投入藝術創作;而今次呢個羅浮宮展覽,會展出約110幅現代藝術作品。展覽由9月19日至10月3日舉行,係一個全免入場嘅展覽,以推廣日法兩地嘅文化藝術。

圖︰香取慎吾正於羅浮宮辦個展,草彅剛、稻垣吾郎都有到場支持!(網上截圖)
圖︰唔知喺巴黎嘅Kōki又會唔會現身支持呢?(ig圖片)
圖︰工藤靜香都有帶過Kōki去巴黎,出席Chanel時裝騷。(ig圖片)
分享: