【魯豫有約】點解初時唔肯同發嫂結婚? 周潤發︰覺得唔應該畀包袱佢!

圖︰發哥、發嫂接受魯豫專訪,仲帶埋攝製隊去行山!(影片截圖)

周潤發(發哥)最近四出為電影《無雙》做宣傳,原來上月佢同發嫂(陳薈蓮)仲接受魯豫專訪,帶住攝製隊體驗「發式生活」︰去九龍城行街市、食生果,又搭港鐵、selfie、行山,實行「貼地生活」。發哥、發嫂仲好體貼,為陪佢哋行山嘅攝製隊準備奶茶同紅豆冰!

佢哋更大方講二人嘅相處,發哥被問及點解當初唔肯結婚?佢話,覺得唔應該畀包袱發嫂;而發嫂被問如果發哥冇同佢結婚會唔會繼續一齊?發嫂自然地點頭示意。但妳會唔開心嗎?發嫂即刻笑住講︰「沒有呀!真的沒有呀!」

做巨星太太難不難? 發嫂︰冇諗呀,我做自己!

魯豫問發嫂︰「跟他這樣一個big movie star在一起生活難不難?」發嫂就話冇諗咁多,總之就做返自己!「我沒去說是發哥他發我要這樣做,沒有,我做回我自己!喜歡跟人在街上聊天、去運動,普通人一個,沒有掛做周太,沒有!」至於重提發哥當初唔肯結婚一事,發嫂憶述︰「當初他跟我說,你不會以為我會娶你;我說,沒事。到了在紐約拍戲(《秋天的童話》)了;他說,來,我們去結婚。」

發嫂又話,因朋友介紹而識到發哥,當初都唔係發哥係邊個;而發哥追咗發嫂兩年,二人先正式拍拖;發嫂自言發哥唔識浪漫,但成日飛來飛去嘅發哥會每日寄卡、寄信畀佢!至於點解會同發哥一齊?發嫂就話因為發哥對父母好,又有愛心!

而發哥講返當初唔肯結婚一事就話:「對,不會結婚,我感覺不應該給她包袱。兩個人結婚就是……兩個人走在一起,就是為了結婚?」點解之後又改變主意?「可能是她為我做的事情太多,需要給她有個名份吧。」

圖︰發哥追咗發嫂兩年,發嫂自言冇擔心發哥走咗去,亦唔會問佢有冇同其他人拍拖。(影片截圖)
圖︰有人話約發哥外出食飯,成日要等佢同人selfie,發哥就話,幾秒啫,算咩時間呀!(影片截圖)
圖︰發哥、發嫂係圈中嘅模範夫妻!(影片截圖)
圖︰發哥、發嫂年輕照。(影片截圖)
圖︰同發哥搭港鐵,當然要selfie啦!(影片截圖)
分享: