【講呢啲?】被爆購入10個龕位 陳展鵬︰過咗喜事先再答!

圖︰有報道指陳展鵬早前購入10個骨灰龕位,單文柔回應話:「唔好詛咒我啦,而家搞緊喜事!」

陳展鵬早前宣佈將迎娶女友單文柔,今日(19日)佢哋更以「準夫妻檔」出席活動;點知被問及陳展鵬早前購入10個骨灰龕位嘅事,真係「大吉利是」!陳展鵬坦言,佢睇到標題時都唔知畀咩反應;正在籌備婚禮嘅陳展鵬只能講句︰「過咗喜事先再答。」

計劃10月中註冊辦婚禮

陳展鵬同單文柔話,現時計劃於10月中註冊並舉行婚禮。陳展鵬話,接新娘等傳統儀式會盡量做晒;不過單文柔就話,因為屋企比較多老人家,「我唔想佢哋太攰,所以有啲嘢,我想簡化啲。」但基本傳統儀式都會做,睇嚟婚禮細節仍在籌備中!

至於上文提及嘅「大吉利是」,報道更指10個位入面係預埋單文柔嘅,準陳太就話,「唔好詛咒我啦,而家搞緊喜事!」講返喜事,而家工作同生活都成日見,怕唔怕見到厭先?陳展鵬即係搵位話,唔厭、係甜嘅,仲話:「仲有啲漏,甜到漏。」單文柔就話:「當然唔厭,厭都唔嫁畀佢啦!」真係好閃呀!

分享: