【延禧攻略之後】吳謹言、許凱拍微電影 瓔珞穿越時空與傅恆重逢?

圖︰吳謹言及許凱最近參演內地新銳導演「貓的樹」的微電影,延續《延禧攻略》傅恆和瓔珞的故事。(影片截圖)

清宮劇《延禧攻略》掀起一股追劇潮,其中,傅恒(許凱 飾)同魏瓔珞(吳謹言 飾)相愛卻不能在一起,令劇迷睇得好心痛!最近,內地新銳導演「貓的樹」找來許凱同吳謹言拍攝微電影,等佢哋有機會「再續前緣」。片名「開宗明義」叫「《延禧攻略》傅恆和瓔珞穿越時空微電影」;講述來自2017年嘅吳謹言穿越回到公元前281年(戰國時期),仲會教飾演大王嘅許凱講「I love You」呀!

「穿越」劇情 浪漫得來又搞笑

在微電影中,吳謹言飾演嘅現代女孩,穿越返去古代,同飾演大王嘅許凱相識相愛。片中有不少浪漫得來又搞笑嘅情節,包括︰日劇成日會出現嘅玩煙花情節;女孩又教大王現代分手法,先相擁再講「I love you」!而片中,大王仲對住現代女孩帶來嘅錄音公仔拔劍,大叫「妖物」,真係睇到觀眾笑出嚟。

片中又有落雪場景,加埋深情一吻嘅happy ending,相信可以令一眾《延禧攻略》劇迷釋懷嘅!微電影推出後,當然引起唔少Fans嘅回應;有傳《延禧攻略》嘅製作人于正,有意將呢個微電影為故事藍本,製作一部30集嘅電視劇呀,但係咪穿越同細節係點,暫時就未清楚喇!

圖︰大王對住錄音公仔若有所思。(影片截圖)
圖︰吳謹言在片中飾演現代女孩。(影片截圖)
圖︰最搞笑係大王向公仔拔劍。(影片截圖)
圖︰仲要係happy ending喔!(影片截圖)

分享: