【華姐冠軍嫁富二代?】31歲朱璇披嫁衣 赴歐洲低調成婚

圖︰08年國際中華小姐冠軍朱璇近日在歐洲成婚,據悉,其丈夫為內地富二代。(網上截圖)

08年國際中華小姐冠軍、31歲嘅朱璇,近日在歐洲低調舉行成婚!今日(19日)凌晨,有網民分享其出席朱璇比利時婚禮的照片,其婚訊才因而曝光。據悉,朱璇老公為內地富二代,婚禮只邀請雙方至親出席,十分低調。事實上,朱璇自從15年離開無綫,2016年3月起更冇再更新ig,到今年6月先再發新帖文,連舊同事湯洛雯都忍唔住留言問︰「Where have u been!!(你去咗邊呀!)」

朱璇穿低胸婚紗 老公似「年輕版伍衛國」

朱璇於婚禮身上低胸婚紗,笑得燦爛;而新郎哥就身穿禮服、打煲呔,外貌真係幾似「年輕版伍衛國」!而朱璇嘅婚紗Look有兩個造型,包括紮髻同曲長髮;作為08年國際中華小姐兼青春小姐「雙料冠軍」,兩個造型都咁靚。

朱璇當年簽約無綫後發展平平,至15年離開TVB,同年即轉投邵氏兄弟;近年主要在內地發展。其實朱璇早於16年4月,朱璇被記者問及楊怡同羅仲謙喺英國古堡低調結婚時,已經回應話結婚係私人事,仲話自己將來都會低調結婚,只會請最親密嘅好友出席,如今終於成事!

圖︰朱璇一度絕跡ig,到今年6月先再次出Po,更自嘲是「失蹤人口」!(ig截圖)
分享: