【準備退隱娛圈?】朱千雪獲律師行招攬 有望成「法律界女神」!

圖︰2012年港姐季軍朱千雪近年攻讀法律博士,並獲香港「Big 5」律師行預留職位,好大機會退隱娛圈!(ig圖片)

2012年港姐季軍朱千雪(Tracy),當選後即獲TVB力捧,並被網民視為女神!近年減少拍劇的Tracy原來向TVB請假,修畢中大企業傳播管理碩士課程後,再於城大攻讀法律博士;據悉,Tracy已獲位於金鐘、為全港五大之一的著名律師行招攬,為她預留職位。似乎Tracy已打算退隱娛圈,投身律師行做「法律界女神」喇!

與TVB仍有合約 多參與綜藝節目

雖然Tracy與TVB仍有多年合約,但她已減少拍劇,主要參演綜藝節目,同接吓商場活動;例如月前同好友湯洛雯齊齊往北海道,拍攝旅遊節目《3日2夜》等。日前,Tracy被傳媒拍得先以一身露膊裝現身尖沙咀出席活動;完成工作後,即換上較樸素的連身裙及白鞋,取車直駛城大;上堂前,Tracy先到商場買飲品、三文治醫肚,由步返課室上堂。睇嚟「半工讀」嘅Tracy真係好識安排時間,兼顧得宜呀!

至於法律知識豐富嘅佢,都有為新劇《白色強人》提供法律知識,劇中演員仲不時向她請教;都算係以另一方式幫助TVB劇組。高學歷、高收入、高顏值,仲要肯學、肯捱;難怪成為網民心目中「十大最索港姐」同「民選冠軍」啦!

圖︰朱千雪6月28日踏入29+1,多位好友送上蛋糕與她慶祝30歲。(ig圖片)
圖︰Tracy曾參演多部劇集,更憑《踩過界》一劇,獲得《星和無綫電視大獎2017》「我最愛TVB電視女角色獎」。(ig圖片)
圖︰Tracy是網民心目中的「民選冠軍」及「女神」。(ig圖片)
分享: