【山竹災情】露台花盆被吹倒 蔡卓妍︰好大風呀媽咪!

圖︰蔡卓妍上載家中露台災情短片。(ig截圖)

今次強颱風山竹令唔少名人歌手受驚,除咗森美要出露台救冰櫃,蔡卓妍(阿Sa)家中露台亦現災情!阿Sa亦在ig上載露台災情短片,並留言︰「好大風呀媽咪!隻窗不停bom bom聲,窗縫不停foo foo聲,令我諗起咆哮山莊。」

吳日言、洪卓立留言

從阿Sa上載的短片可見,其家中落地玻璃窗已貼上X形膠紙,不過放於露台的3個盆栽被吹倒,而客廳地下亦有攝毛巾防滲水。今次山竹來勢洶洶,但阿Sa只貼了兩條膠紙在窗,原來因為全屋膠紙已用完,佢又冇時間買,唯有貼住兩條頂住先。

吳日言就留言笑:「張膠紙好似弱咗啲!」洪卓立亦提醒阿Sa:「用保鮮紙呀!」有Fans亦話,「小心啲呀,得(等)一陣再冇咁大風大雨就搬返盆栽入屋啦!以(而)家唔好搬啦,開門有危險。」

分享: