【山竹災情】森美冒風雨出露台 救冰櫃入室內

圖︰森美冒住風雨出露台,將冰櫃搬回室內。(ig圖片)

強颱風山竹吹襲香港,唔少香港人身處家中,亦感受到十號風球嘅威力!昨日(16日),森美家中受影響,搞到佢要出露台,將冰櫃搬回室內;唔少網友都留言,關心森美大哥嘅情況,亦有網民擔心森美家的住址曝光。

出露台救冰櫃 家外走廊爆玻璃

森美先於ig貼出一後短片,可見窗外橫風橫雨,並留言︰「幸好家裹還沒事,家外走廊的窗卻爆了!出不了門,各位小心。」隨後,森美再分享自己家外走廊情況,可見其中一塊玻璃窗破裂,玻璃散落一地。之後森美再發第3個帖文,留言︰「救冰櫃大行動,返去節目再講,小心。」圖中見他冒雨,獨力把冰櫃從露台搬回屋內。

唔少網民留言叫森美小心,亦有人留言話︰「點解冰櫃會放出面」、「我都想知點解冰櫃放外面」、「咁樣影唔怕人地知你住邊?」,亦有Fans大讚「森美好型」。

希望大家返工都注意安全,小心為上呀!

分享: