【後生仔傾吓偈】馮盈盈︰女仔優勢係大胸? 麥明詩︰最基本係C cup!

圖︰馮盈盈(左一)同麥明詩(左二)主持節目,不時都語出驚人,另一主持陸浩明(右二)有時真係唔知點接落去。(影片截圖、ig圖片)

馮盈盈同麥明詩都係港姐冠軍出身,不過二人主持節目《#後生仔傾吓偈》,不時會展現出佢哋講嘢大膽露骨嘅一面!日前播出的一集,當中談到︰「作為有優勢嘅女仔,覺得大胸好定長腿?」當大部份女仔都話長腿嘅時候,馮盈盈大叫一句:「大胸!」

麥明詩諗咗一陣,都係揀大胸,仲話胸唔需要好大,有C Cup就OK;搞到馮盈盈好驚訝咁「吓!」咗出嚟。最後經過一番解釋同討論後,馮盈盈同麥明詩都認為「大胸」同「長腿」唔可以用嚟做比喻,馮盈盈更直接講:「應該要改做大胸同大屎忽!」言論之大膽,實在太出乎意料。

馮盈盈、麥明詩︰嫁有錢人會畀人話

當講到女人嫁個有錢人,主持陸浩明講到,女人嘅好處係嫁入豪門就係「做少奶」、「金絲雀」等,但男仔就會俾人話入贅、食軟飯等。

作為港姐嘅馮盈盈同麥明詩,即時好肉緊咁回應話,「如果我哋嫁俾有錢人,就會話『睇死佢鈞金龜』、『選港姐就係為咗咁』、『做X』…」馮盈盈更爆出一個網民常用的「形容詞」:「公廁!」又再一次衝擊香港小姐言談、措詞嘅底線!麥明詩就話:「女仔如果嫁入豪門又俾人鬧,你唔嫁入豪門又話你輸咗喎…」似乎馮盈盈同麥明詩都係「貼地港姐」,對於嫁入豪門都唔大興趣喇!

圖︰馮盈盈、麥明詩、陸浩明一同主持《後生仔傾吓偈》節目,時常都有驚喜,有次麥明詩(右一)傾傾吓就爆喊。(網上截圖)
分享: