【星二代筍盤】林曉峰康子妮囝囝好高大 以下名人之子都好矚目㗎……

圖︰唔少名人之子已長成矚目「星二代筍盤」!(網上截圖)

林曉峰同康子妮最近被拍得一家四口去商場行逛,其中,大仔阿Bob可謂又高大又靚仔!據報道,14歲嘅阿Bob同康子妮兩母子沿路十指緊扣,同媽咪拍埋,真係似情侶多過母子㗎!

除咗阿Bob之外,其實仲有唔少「星二代筍盤」都好矚目㗎,以下呢啲就係成功突圍嘅例子喇……

譚曉風 (譚詠倫囝囝)

「譚校長」譚詠倫嘅囝囝譚曉風,轉眼就22歲,仲遺傳咗譚校長嘅優良DNA;除此之外,佢仲係以拔尖身份考入英國牛津大學,上年已經碩士畢業!據悉,譚曉風連運動、音樂都樣樣都掂,加埋爸爸豐厚嘅身家,真係星二代嘅超級筍盤!

胡智同 (吳婉芳二仔)

至於86年香港小姐亞軍吳婉芳,佢嘅二仔胡智都係「高富帥」代表!胡智同嘅爸爸係已故香港富商胡家驊,胡智同畢業於華仁書院及哈羅公學,之後仲入埋英國牛津大學;佢仲喺英國參加過健美先生,當場擊敗同組嘅60名對手,奪得「Men Physique Tall」組別冠軍!

馬在驤 (馬德鐘囝囝)

而馬德鐘嘅20歲囝囝馬在驤,除咗外表高大靚仔,在學校都好收歡迎,仲攞過好多屆嘅校際游泳賽金牌,被封後新一代男神㗎!馬在驤而家已經去咗澳洲升讀大學,他日學成歸來,仲唔係星二代另一超級筍盤?

黎正橋 (黎耀祥囝囝)

視帝黎耀祥嘅20歲囝囝黎正橋,未必係最靚仔,但講到孝順,黎正橋就的確好乖仔!有傳媒早前就影到黎正橋陪住媽咪Julia行超市,仲喺畀完錢之後,仲自己抽起兩袋戰利品,做埋司機車媽咪返屋企呀!

【睇埋相,比吓樣!】

圖︰林曉峰同康子妮14歲囝囝Bob(左三)。(ig圖片)
圖︰譚詠倫嘅囝囝譚曉風(右上小圖)。(網上截圖)
圖︰吳婉芳二仔胡智同(左一)。(網上截圖)
圖︰黎耀祥嘅20歲囝囝黎正橋夠孝順。(網上截圖)
分享: