【幻覺嚟啫!】47歲袁詠儀被指肚凸凸 近睇原來係……

圖︰袁詠儀被指肚凸凸(右上圖),與老公張智霖及好友前往普陀山。(微博圖片)

張智霖與袁詠儀(靚靚)每年都會到普陀山祈福,日前佢哋就同蔡一智夫婦、名模周汶錡等人出發朝聖。靚靚昨日(12日)在微博分享多張旅程圖片,留言︰「圓滿」。不過其中一張相片就惹來凸肚疑雲,不過睇真啲就會發現,只係一場誤會啫!

腰包置雨衣內 視覺上似大肚

惹來凸肚疑雲嘅相片,正正在普陀山南海觀音前拍攝;相片中,靚靚身穿淡粉紅色雨衣,好彩雨衣透透哋,隱約見到雨衣下面有個袋呀!有網民留言提及此事,靚靚都親自回覆網民話:「故意的,讓大家開心一吓!」似乎冇介意,心情好靚。

睇返近鏡,可以留意返剛剛踏入47歲嘅靚靚,真係素顏都咁靚㗎!其中,張智霖上載嘅合照見到,靚靚紥起辮仔,皮膚好靚,同刻意留咗鬚根嘅張智霖比,真係後生好多,而網民亦大讚靚靚保養得好!

圖︰引起凸肚疑雲的相片,左五為袁詠儀。(微博圖片)
圖︰睇呢幅相,就唔見靚靚凸肚喇!(微博圖片)
圖︰素顏一樣靚!(微博圖片)
分享: