【都係香香公主?】與余安安合照 岑麗香︰同original的香香公主同場!

圖︰「香香公主」余安安同岑麗香相遇!(ig截圖)

岑麗香日前於ig分享她與余安安的合照,並留言話︰「今晚拍攝我真lucky囉!可以同original香香公主同場!好開心呀!當然要拍照啦!」點解叫余安安做「原裝」嘅香香公主?原來余安安於1976年參演TVB劇集《書劍恩仇錄》,扮演金庸於該作品中筆下最靚嘅「香香公主」一角,余安安自此就多咗個外號叫「香香公主」。

岑麗香點解變咗「香香公主」?

至於岑麗香,亦係因為參演TVB劇集,而變成「香香公主」。當年她參演《巴不得媽媽》一劇,飾演「香乃馨」角色,因呢個角色在劇中被叫做「香香公主」,而岑麗香個名又有個「香」字,大家就開始叫佢「香香公主」喇!

岑麗香之後接受媒體訪問,話好開心可以遇上安安姐,「因為一直好多人叫我呢個花名,而安安姐(飾演)嘅香香公主,係好靚同好有仙氣嘅角色,咁我喺《巴不得媽媽》角色代表『香咗嘅香』,即係輪盡,哈哈哈,所以遇到仙氣嘅香香公主,我好開心呀!」

圖︰余安安42年前飾演嘅香香公主。(網上截圖)
圖︰岑麗香拍攝《巴不得媽媽》演「香香公主」香乃馨,深受網民歡迎。(TVB截圖)
圖︰58歲余安安同33歲嘅岑麗香都好靚!(ig圖片)
分享: