【竇靖童撐妹!】竇佳嫄正式出道 竇唯、高原女兒發新歌《Star》

圖︰竇靖童同父異母妹妹竇佳嫄正式出道,首支單曲《Star》今日(11日)首播。(網上、影片截圖)

竇靖童妹妹出道了!大家都知道,童童有位同母異父妹妹李嫣,前排童童上媽咪王菲有份拍攝嘅節目唱歌,李嫣都有幫童童站台支持㗎!其實童童仲有位同父異母嘅妹妹竇佳嫄,佢今日(11日)仲發布首支單曲《Star》正式出道。

竇唯兩千金闖樂壇 歌路各有特色

現年16歲嘅竇佳嫄,竇唯同第二任老婆高原所生嘅囡囡;當年竇唯背住前妻王菲出軌,就係同高原搭上,後來更同王菲離婚另娶高原,但二人嘅婚姻只維持咗兩年就離婚收場。雖然有個咁嘅背景,但無阻童童同竇佳嫄嘅相處,兩姊妹嘅感情仲好好㗎!

竇唯嘅兩位千金先後加入樂壇,不過歌路就唔太一樣。竇靖童走英倫迷幻歌路;妹妹竇佳嫄則又跳又唱,偏向日系電子風格。竇靖童知道妹妹要出新歌,仲好支持咁喺微博貼片、貼相幫手宣傳!

圖︰竇佳嫄宣布出碟。(影片截圖)
圖︰王菲與竇靖童早前一同現身《幻樂之城》節目,囡囡李嫣都有現身支持。(網絡圖片)
圖︰竇靖童同兩個妹妹感情都好好。(網上截圖)
分享: