【素顏孖老公行街】49歲曹眾曾深得六叔歡心 如今已變成……

圖︰49歲曹眾曾經被「六叔」邵逸夫力捧,如今她已成為幸福人妻,同北京商人陳京結婚,二人育有可愛囡囡。(網上截圖)

49歲曹眾曾經是「六叔」邵逸夫的愛將,因而參演過TVB唔少劇集。之後佢同北京商人陳京秘婚,仲於2011年低調生埋囡囡陳瑛華;如今已淡出娛樂圈的她,專心做幸福人妻同打理飲食生意。早前,有傳媒影到佢素顏同家人行超市,不過就被指身型足足脹咗一個碼。

囡囡轉眼7歲 高到媽咪膊頭

曹眾近年主力投資飲食業,除咗開設寧波菜食府「文鼎酒家」,並投資「聰嫂」及「聰少」甜品店,將之帶到內地市場。雖然工作繁忙,但曹眾都好重視家庭,仲曾經係訪問話︰「任何時候囡囡都係放第一位,小朋友成長得好快,我唔想錯過佢嘅成長。」而已經7歲、已經有高到媽咪膊頭嘅囡囡瑛華,依然好黐媽咪,行街時仲撓實媽咪㗎!

而曹眾一家三口入到超市時自各掃貨,曹眾負責買蔬菜、生果,再去揀芝士同廚房紙;老公就負責買牛扒,囡囡都揀咗包香腸放入車。而曹眾都話過,囡囡細個已經好鍾意跟佢入廚房,仲會幫手切菜;相信除咗樣子甜美之外,囡囡瑛華分分鍾係小廚神呀!

圖︰之前有傳囡囡瑛華被「星爺」周星驰睇中,希望搵佢拍電影㗎!(微博圖片)
分享: