【TVB又有喜事!】歐洲拍浪漫婚照 41歲陳展鵬娶28歲單文柔

圖︰41歲陳展鵬今日宣佈迎娶28歲女友單文柔。

TVB又有喜事!繼陳凱琳同鄭嘉穎於8月12日成婚;41歲陳展鵬今日(10日)宣佈迎娶28歲女友、都係選港姐出身嘅單文柔(Phoebe)。

展鵬向傳媒發聲明表示:「各位親愛的傳媒朋友、各位好友,多謝大家一直對我的支持和包容。今日,好高興同大家宣佈,我要結婚啦!」

「希望得到你們的祝福。」

佢又話︰「一路以來,我都全情投入工作,直至Phoebe的出現,讓我們感受到幸福和信任。對於感情方面比較傳統的我,是時候用我最大的努力去建立一個美滿的家。多謝大家的關心,希望得到你們的祝福。」

已經在歐洲拍攝浪漫婚照嘅展鵬同Phoebe,亦有同傳媒分享靚相;睇到佢Phoebe身穿Deep V婚紗,非常搶鏡!二人又在magic moment(日落)拍下多幅靚相,仲喺教堂前手拖手影相,真係好sweet呀!

圖︰二人攬到實,好有愛呀!
圖︰喺歐洲影相,真係可以行到邊影到邊。
圖︰展鵬同Phoebe於歐洲影婚紗相。
分享: