【撰文談前度】林作︰我在9月9號,結束了一段數年的感情。

圖︰林作今日(10日)在自己的社交平台,分享一篇談感情生活的文章,並指在昨天(9日)結束一段藕斷絲連的感情。(fb、ig圖片)

林作今日(10日)在自己的社交平台,分享一篇談感情生活的文章,並指在昨天(9日)結束一段藕斷絲連的感情。林作更在文中談及,「即使那個時候還有女朋友,而她就坐在妳對面,我還是調侃妳。當時的妳對我也有點興趣,但當知道了我有女朋友,而且還坐在妳對面時,你面帶怨恨的知難而退。」

至於女主角係邊個?唔少人都認為係同傳咗好耐、同佢離離合合嘅「前度」麥明詩有關,但林作就話唔係講緊麥明詩,而係講緊另一個圈外人喎。

「我和前度的糾纏,讓你徹底對我失去信心。」

林作呢篇感情生活分享,成功引來網民關注。文中有不少好爆嘅描述,反映呢段「藕斷絲連的感情」,都真係好complicated(複雜)㗎!雖然文中女主角一開始知道林作有女朋友,都調侃佢因而反感,但林作話︰「隔了幾年,我能跟你一起,是幸福,但我不懂珍惜,是我的錯。我讓妳感受到愛情的苦,卻沒有給到你甜。我和前度的糾纏,讓你徹底對我失去信心。」

林作又寫道︰「分了手,我們還是繼續做朋友,我卻每一天都想和你重新出發。但,我沒有想過最後由你提出分手是因為你真的想出去玩。我只想對妳好。妳卻選擇跟媒體想得一樣 – 認為我是靠不住的。妳的選擇是對的。」佢隔咗幾段之後又話,「你四圍愛,我懂。滿足你的虛榮、空虛、寂寞、好奇,我懂。只是,今次,我希望對自己認真。」真係愈睇愈複雜呀!

好喇!林作就話文中講緊嘅女仔唔係麥明詩,仲回應網民指,同「麥小姐」只係緋聞,唔算係愛喎。不過今年7月世界盃決賽當晚,陶傑約埋馮盈盈、麥明詩、劍橋教育界精英Danny仔同林作睇波,但因為林作遲遲未見影,陶傑就喺facebook發文,貼出佢同馮盈盈、麥明詩等人嘅合照,留言話:「急Call現時行蹤不明之林作:精嘅好速速蒲頭!今晚此處好多靚仔,凌晨一點半前若未交人,你條女隨時高危!」究竟林作「條女」係圖中邊一個?真係好難估呀……

圖︰今年世界盃決賽,陶傑於facebook發文尋找林作,仲話佢「條女」好危險,而林作就話自己喺「老蘭溝緊女」。(fb截圖)
分享: