【再創世紀】「御用中風者」再發功! 潘志文示範中風新演法

圖︰潘志文於4年內,4度飾演中風者。(影片截圖)

無綫新劇《再創世紀》今晚(10日)正式啟播,香港觀眾終於可在電視機前欣賞呢個劇力萬鈞嘅演出。除咗劇中幾對情侶檔值得留意,飾演周勵淇(前名周麗淇)爸爸,又再演商界有錢人嘅潘志文,將繼續發揮「御用中風者」本色;佢喺《再創世紀》入面,似乎仲搵到「中風新演法」,用另一個方式,展現中風者的無奈。

有口難言 用表情演繹中風者內心痛苦

潘志文曾於2015年的《以和為貴》、2016年的《EU超時任務》和《幕後玩家》演過中風;唔知係咪潘志文都自覺用「歪嘴」方式演中風,比較浮跨同表面?佢嘅中風演繹都一直有調整。例如︰《以和為貴》中,潘志文演中風演到臉容扭曲;到《EU超時任務》潘志文嘅表情演繹,明顯收番少少;到《幕後玩家》,更加主要用新聞交代佢中風一事。

到今次《再創世紀》,潘志文就將演技調整至「有口難言」式的中風,將重心放在中風者的內心世界,用表情演繹佢哋嘅內心痛苦,同埋面臨下半身癱瘓嘅驚慌。4年演4次中風,潘志文都試用新辦法演繹,難怪會成為「御用中風者」嘅。

圖︰潘志文在《再創世紀》飾演周勵淇的父親,並在劇中再次演中風者。(影片截圖)
圖︰唔再單靠「歪嘴」,改演中風者的內心戲。(影片截圖)
圖︰並演繹中風者對下半身癱瘓的惶恐與悲痛。(影片截圖)
圖︰潘志文曾於2015年的《以和為貴》演中風,仲演到歪晒嘴。(網上截圖)
分享: