【電競專訪】政策上仍在起步 容海恩︰冀政府承認電競係主流運動

圖︰容海恩指,現時香港電競發展面臨多方面的困難,單是由哪一個政府部門負責電競發展,已成一大問題。(Elaine攝)

繼續「電競在香港」系列報道。電競近年在世界各地發展迅速,更被訂為2022年亞運競賽正式項目,以及未來更有望成為奧運項目;但香港在電競的發展,比鄰近地方實在緩慢得多。立法會議員容海恩接受《流動新聞》專訪,指現時香港電競發展面臨多方面的困難,單是由哪一個政府部門負責電競發展,已成一大問題。

冀政府加強電競宣傳及資源

容海恩指,他們會在立法會層面,向不同委員會提出推動電競,「科技事務委員會、民政事務委員會等,每一樣都試晒,希望政府加強呢一方面嘅宣傳同資源。」

近年施政報告和財政預算,終於提到電競發展;而數碼港更有望為電競提供場地。容海恩說︰「施政報告、財政預算都有預留一啲錢在電競,我覺得係一個好嘅開始;希望在Cyberport(數碼港)嗰度,嚟緊佢哋會有一個新嘅場地,我哋期望呢個新場地,可帶動整個風氣!」

電競資源多來自商界 好難搵贊助

由於香港的電競政策仍在起步,現時的電競資源多來自商界,電競界在找尋資助時,都大感困難。容海恩解釋,「其實而家(電競)資源上都係完全依靠商界,或者係私人企業;佢哋(電競隊)自己點樣去搵sponsor?係困難嘅。」

要搞一次電競比賽,單要攞遊戲嘅公仔、logo等,「樣樣嘢都要花錢」,容海恩認為,「作為一個普通人,又或是搞手﹐好難可以搵到sponsor。加上有啲係海外公司,喺瑞典咁樣,你根本都完全聯絡唔到佢哋!騰訊可能會易啲,但都要過很多關卡去接觸,呢方面係困難嘅。」

圖︰數碼港未來有望發展成電競比賽場地。(網絡圖片)

電競資源多來自商界 好難搵贊助

由於香港的電競政策仍在起步,現時的電競資源多來自商界,電競界在找尋資助時,都大感困難。容海恩解釋,「其實而家(電競)資源上都係完全依靠商界,或者係私人企業;佢哋(電競隊)自己點樣去搵sponsor?係困難嘅。」

要搞一次電競比賽,單要攞遊戲嘅公仔、logo等,「樣樣嘢都要花錢」,容海恩認為,「作為一個普通人,又或是搞手﹐好難可以搵到sponsor。加上有啲係海外公司,喺瑞典咁樣,你根本都完全聯絡唔到佢哋!騰訊可能會易啲,但都要過很多關卡去接觸,呢方面係困難嘅。」

電競並非香港主流運動

她又認為,「電競而家唔係香港嘅主流運動,我哋在立法會同埋其他層面都同政府講,希望佢承認電競係一個主流運動,但我諗政府都有一個難處︰究竟係民政去處理呀?創科局呀?商經局呀?定係旅發局呢?我諗政府都未有咁嘅新思維去接受(電競)呢件事;所以我覺得都係要時間,慢慢令到大眾(認識電競運動)﹐令到政府有一個處理方法。」

不過,容海恩提到,「香港運動員好爭氣嘅!例如我哋啱啱睇到亞運嘅示範賽﹐香港運動員都獲取到好多嘅佳績、攞到冠軍!(在電競運動方面)我哋希望逐步逐步去,令到家長都知道佢哋(子女)點樣去發展呢個事業!」

她續指,「我哋都了解到,(電競)呢個事業唔係個個後生仔都適合入行嘅!但係點樣另到有心、又有能力嘅後生仔可以在呢一方面發展呢?我哋係去培育啱嘅人,而唔係普及地、全民去做;反而要挑選適合嘅人去做一個運動選手,我覺得政府係有責任去做嘅!」【電競在香港】系列之(二)

究竟電競隊在香港仲面對咩困難?密切留意《流動新聞》系列專訪,曾代表香港到北京參加比賽的電競隊YTK成員,將分享他們如何實踐電競夢!

圖︰容海恩指,明白電競並非人人適合的職業,因此要挑選適合嘅人去做運動選手。(Elaine攝)
分享: