【破格演出!】徐若瑄參演恐怖片 全素顏演出造型有幾驚?

圖︰徐若瑄拍攝的新片《人面魚 紅衣小女孩外傳》,即將於11月在台灣上映,她在電影中飾演鋼琴家,更要素顏演出。(影片、ig截圖)

台灣藝人徐若瑄(Vivian),今年破格參演電影《人面魚 紅衣小女孩外傳》,Vivian在片中飾演鋼琴家「雅惠」,除咗要全素顏演出,仲落咗唔少苦功加深自己嘅黑眼圈同法令紋;新片將於11月23日於台灣上映,單睇宣傳片,都感受到有幾恐怖!

力求突破 被傳自降身價拍片

Vivian出道多年,今次為求突破接拍《人面魚》一片,仲被傳為此自降身價。有台灣媒體指,Vivian鑑於自己喺音樂同電影上都未有代表作,自願減片酬至20萬新台幣(即5萬港元)接拍呢套戲,希望向「鬼后」戲路進發。不過,徐若瑄嘅經理人話︰「網路上東拚西湊,以訛傳訛的報道不予置評!也希望閱聽大眾勿擅自斷章取義。」仲話會保留法律追究嘅權利;而電影發行威視電影就話,不便透露演員嘅片酬。

無論Vivian有冇自願減片酬,但今次接拍《人面魚》的確係一個破格嘗試;為咗令自己演好鋼琴家嘅角色,Vivian仲有去學鋼琴,練習音樂家舒伯特(Schubert)嘅作品!

圖︰Vivian為演好新片角色,幾忙都抽時間學鋼琴。(ig截圖)
圖︰片中造型的確係幾心寒的。(影片截圖)
圖︰雖然Vivian已為人妻同媽媽,但對於好劇本仍然會好好把握。(ig圖片)
分享: