【EQ超高!】貼童年照賀謝婷婷生日 網民惡言攻擊欣宜一句K.O.

圖︰鄭欣宜貼謝婷婷兒時合照惹網民攻擊,欣宜淡然一句反擊,獲大讚EQ高!(ig截圖)

鄭欣宜(Joyce)自出道以來一直面對林林總總嘅批評,扮公主就畀觀眾打去廣管局投訴,減肥唔成功又被人批評,好彩Joyce近年學會冷靜應對,用智慧同埋EQ反撃。

今日(7日)係謝婷婷36歲生日,由於沈殿霞(肥姐)同狄波拉、謝賢相熟,Joyce同婷婷可謂由細玩到大。為咗同婷婷姐姐慶生,Joyce仲特別公開一幅佢哋嘅兒時合照,卻被網民留言攻擊︰「你全靠父母,不是父母,你什麼都不是」;好彩Joyce「身經百戰」,輕輕一句就K.O.網民惡言!

欣宜︰你說得對 我們全部都是。

謝婷婷一直係矚目「星二代」,最近更由模特兒轉型做演員,參演武打新片《歐洲攻略》;而Joyce近年則以一曲《女神》,以及參演電影《29+1》的黃天樂而贏盡掌聲,仲開埋自家品牌賣曲奇!面對網民惡言攻擊,Joyce平心靜氣回應一句︰「你說得對。我們全部都是。」就成功撃破「靠父母」言論。

見到Joyce嘅回覆,唔少網民都留言撐佢話︰「legit reply(好正嘅回應)」,仲有人留言話好記得Joyce以往面對惡言批評時的回應,仲大讚︰「I’m totally impressed by your high EQ…(妳的EQ之高實在令我印象深刻)」。

而Joyce於帖文中透露,佢曾經應承過婷婷,唔會post呢張童年照出嚟,「but i think it’s a total testament to how all ugly ducklings have hope. Though IIII never developed into a graceful, elegant swan, at least one of us has.(但我覺得呢個係好好嘅實證,去讓所有醜小鴨有返希望。雖然我從未變成過一隻優美、高雅嘅天鵝,但起碼我哋其中一個做到!)」

圖︰婷婷與Joyce由細玩到大,情同姊妹。(ig圖片)
分享: