【在家自然分娩】鍾嘉欣晒囝囝靚相 Jared托腮甜睡超治愈!

圖︰鍾嘉欣細囝Jared早前已出世,重7磅14安士;鍾嘉欣於ig分享囝囝甜睡相。(ig圖片)

鍾嘉欣細囝出世喇!上月尾被爆已生B嘅鍾嘉欣,今日(6日)於ig分享兩張BB相,正式介紹細囝Jared畀大家認識。鍾嘉欣話,Jared係在家自然分娩出世,重7磅14安士;相片中嘅Jared睡相可愛,其中一張相片,仲見到Jared用手仔輕輕托腮甜睡,超治愈呀!

細囝似家姐 鍾嘉欣︰好似生咗對龍鳳胎咁!

鍾嘉欣回應媒體訪問時表示,Jared同大囡Kelly實在太似樣,所以好似生咗對龍鳳胎咁!而Jared一出世就有好多頭髮,佢喺ig介紹囝囝時就留言話︰「To our Son, Jared Anthony Leung. Welcome to our family. We love you. 」相信一家人對Jared出世都相當雀躍。

今次鍾嘉欣選擇咗在家自然分娩,佢接受訪問時特別感謝一班助產士,大讚佢哋好好、好專業;無論在精神,定係生產過程入面,都畀咗佢同大嘅幫助,令到呢次嘅生B經歷,變得相當難忘!目前鍾嘉欣正在坐月,好好休養之餘,都要好好照顧大囡Kelly同細囝Jared。

圖︰鍾嘉欣於15年同年長13年嘅脊醫Jeremy結婚,翌年誕下大囡Kelly;如今細囝Jared出世,希望快啲見到一家四口嘅幸福合照啦!(Facebook圖片)
圖︰Jared托腮睡相超可愛!(ig圖片)
圖︰鍾嘉欣話Jared生得似家姐,笑言好似生咗對龍鳳胎咁!(ig圖片)
分享: