【疑服藥自殺?】韓國女星具荷拉已出院 暫時停工休息

圖︰韓國女團KARA嘅27歲前成員具荷拉,昨日被爆服藥過量入院,疑企圖自殺。(ig圖片)

韓國女團KARA前成員具荷拉,昨日(5日)被傳因服藥過量入院,懷疑企圖自殺,消息令Fans震驚!據悉,具荷拉於今日(6日)已經出院,目前會先專心休息、暫時停工。

事務所發言人否認傳聞

對於被指企圖服藥自殺,具荷拉所屬事務所隨即否認傳聞,並強調具荷拉係因為嚴重失眠,以及消化不良,先要入醫院接受治療。據事務所人士透露,具荷拉嘅身體狀況已有好轉,且在慢慢康復;由於佢短期內都冇特別行程,可以先專心養好身體。

27歲嘅具荷拉,擁有19吋纖腰,同時又擅於理財;據韓媒報道,具荷拉去年將2015年購入嘅論峴洞建築物,以38億韓元(約2300萬港元)出售,兩年來只計租金收入,就勁賺4億韓元(約275萬港元)。據悉,曾於清潭洞購入豪宅嘅具荷拉,當年唔洗貸款,就可以全數付清房價﹐財力非常豐厚!

圖︰具荷拉因外表似日本藝人安室奈美惠,因而有「韓國安室奈美惠」之稱。(網絡圖片)
分享: