【囝囝都結婚】韋家雄下月娶「銀行之花」 明年榮升老爺!

圖︰韋家雄娶完老婆再娶新抱,喜上加喜!(網上截圖)

53歲韋家雄,今年初同細佢20年嘅銀行之花拍拖一個月就決定「閃婚」;10月6日就係佢哋結婚嘅大日子,最近更傳出完韋家「喜上加喜」,連韋家雄同前妻所生嘅囝囝都準備結婚呀!講到明年將榮升老爺,韋家雄喜上眉梢,仲話未婚妻即將做完「人妻」做奶奶,都應該會好歡喜!

影婚紗相 帶未婚妻到華富邨取景

韋家雄同未婚妻去影婚紗相,其中一輯相,更加由韋家雄帶未婚妻,重回自己成長嘅華富邨取景;據悉,韋家雄曾經喺影婚紗相嘅石灘遇溺,呢次拖埋未婚妻嚟同佢影相,仲可以遊歷返兒時嘅回憶之地。

雖然未婚妻只係大韋家雄囝囝幾年,但囝囝都好鍾意呢個「未來媽咪」,仲帶埋女朋友去「見家長」;兩對甜蜜情侶兼家人一齊食飯,相處融洽。對於未婚妻咁年輕就做奶奶,韋家雄話係「升級啊!」,仲話未婚妻應該會鍾意!

圖︰韋家雄同未婚妻呢一對真係「好閃」呀!(Facebook圖片)
分享: