【談四大癲王】蔡楓華︰我係冤枉! 點解佢哋會被封呢個稱號?

圖︰蔡楓華、陳寶蓮、洪朝豐、藍潔瑛曾被封「四大癲王」。(fb圖片)

57歲蔡楓華最近接受媒體專訪,突然提起「四大癲王」稱號,佢仲好激動咁話︰「以後我再聽到咩四大癲王,你唔使同我講,我即刻出律師信,你試吓!再講我有精神病,我即刻告你誹謗。唔使諗!我蔡楓華一定告,因為你以前恰我冇錢告你吖嘛!我依家有,我要攞返個公道。」蔡楓華為自己大平反,咁究竟當年點解佢同陳寶蓮、藍潔瑛、洪朝豐會被封呢個稱號呢?即刻回帶睇一睇先!

蔡楓華

講起蔡楓華,有一句說話至今仍讓人記憶猶新。1985年佢擔任《勁歌金曲》季選司儀,當張國榮獲獎後,佢講咗一句︰「剎那光輝不是永恒」,更令佢同張國榮結怨。蔡楓華受訪時回憶舊事,大叫冤枉,「我當時唔係攻擊張國榮,係陰差陽錯,係盧敏儀截咗我,我仲想講嗰一句『希望張國榮就永遠保有呢個永恒落去。』」

2003年4月1日,張國榮於中環文華酒店自殺身亡,蔡楓華亦有穿上一身黑衣,現身張國榮的喪禮場地。不過他在張國榮的喪禮結束後出現,仲同記者大談佢同張國榮嘅友情,近100名記者將他圍住,場面混亂,最後要警方幫忙為蔡楓華截的士讓他離場。

陳寶蓮

陳寶蓮當年「一脫成名」,但最終於2002年於上海寓所跳樓自殺身亡。佢生前經常神志不清,同台灣富商黃任中分手後,更經常自殘,甚至於公共場合「除衫」、打人、自殺。1998年2月,陳寶蓮於台北撞車,車禍後更惹來隆胸疑雲;同年4月,陳寶蓮被指養鬼仔而令行為怪異;到5月,佢又喺台北酒吧捲入衝突,搞到血流滿面,縫咗13針;到6月,陳寶蓮喺《感官世界》首映禮上突然攞細鉸剪割傷手腕。

1999年3月,陳寶蓮去台灣探黃任中被拒,更試圖於黃家門外脫衣服藥,但最後唔成功。採訪娛樂新聞多年的翟浩然曾於節目爆料指︰「陳寶蓮曾經同台灣富商黃任中拍拖,不過黃任中講過將女人分為八個等級,而陳寶蓮只係屬於契女。後來佢哋分咗手,好多人話陳寶蓮做咁多古怪行為,只係為咗吸引契爺嘅注意。」

洪朝豐

洪朝豐當年同寶詠琴分手而鬱躁症病發,更因為一句﹕「我係潮州怒漢,我一隻手指捽死你!」洪朝豐2017年接受媒體專訪,談起患鬱躁症時的經歷,坦言自己試過停藥,搞到一年內就鬱躁症復發要入院,於隔離病房住咗22日接受強迫性治療。

洪朝豐又被傳同性戀,演員邵仲衡曾表示,「我同洪朝豐一齊去過上海做嘢,佢向我展示一個鳳冠,問我靚唔靚,原來佢好鍾意演京劇反串角色(旦角)。」而亦曾在電台做DJ的茜莉妹則表示,「我曾經訪問過佢(洪朝豐),佢都承認自己之前有病,以為自己好番所以停咗藥,結果又再復發,佢話睇番以前啲訪問片都驚。」

現年58歲的洪朝豐,經歷抑鬱狂躁症20年;2017年確診舌癌與淋巴癌,要接受手術及電療。洪朝豐為保持聲音不肯開刀,錯過手術黃金期,最終要割去半條脷;但他於受訪時坦然表示「願賭服輸」。

藍潔瑛

藍潔瑛曾有「靚絕五台山」的美譽,不過自1995年參演周星馳電影《西遊記第壹佰零壹回之月光寶盒》及《西遊記大結局之仙履奇緣》之後,就淡出幕前。1998年9月,藍潔瑛於香港淺水灣駕駛時「反車」,送醫後無大礙;但此後10多年,就多次傳出佢精神異常嘅消息。

2000年,佢喺溫哥華機場突然問海關職員:「如果我死喺呢度,會不會燒咗我?」遭機場警方拘禁於精神病院10幾日;更曾經在男友屋企門口攞斧頭劈門;仲被目睹身穿浴袍拖鞋,於街上橫衝直撞。有指,藍潔瑛因為「被影壇大哥性侵」,加上畀公司雪藏等原因而精神失常。

2005年,藍潔瑛申請破產,只能靠攞「綜援」過活。至2010年,劉德華曾向藍潔瑛提供10萬元現金,希望幫佢改善生活;但藍潔瑛將錢放入背囊後,於酒吧飲酒時被偷去所有現金。

圖︰蔡楓華至今仍堅持每年至少開一次演唱會,並獲不少歌迷愛戴。(fb圖片)
圖︰洪朝豐患上抑鬱狂躁症20年,2017年更確診舌癌與淋巴癌。(fb圖片)
圖︰藍潔瑛自1995年參演周星馳電影《西遊記第壹佰零壹回之月光寶盒》及《西遊記大結局之仙履奇緣》之後,就淡出幕前。(網上截圖)
分享: