【第一次負評…】木村光希登內地雜誌封面 網民大鬧相片毀掉Kōki!

圖︰Kōki近日登上內地雜誌封面,但這輯相片卻遭網民負評。(ig、網上截圖)

木村光希(Kōki)自5月入行至今,廣告身價已高達3,000萬日圓,憑「A級身價」躍升為「Model界新星」及「最強星二代」。一直獲網民大讚的Kōki,最近卻因為內地時尚雜誌《GRAZIA》(紅秀)拍攝封面,而首次引起網民負評。

「沒把她的美十分之一拍出來」

在這輯雜誌寫真中,Kōki穿上黑色服裝,擺出多個自信pose;但明顯看到化妝、造型,以至拍攝及修圖技巧出晒事。有內地網民就用Kōki為《ELLE JAPON》拍攝嘅相片做對比,指該內地雜誌「沒把她的美十分之一拍出來」及「完全無法突顯人物的靈氣和魅力」。

亦有網民留言「化妝師拖出去斬了」、「造型師和化妝師可以炒了」、「眼線,認真的嗎」等。如果細看相片,亦可見Kōki底妝似乎上得唔均勻,前額有疑似鴛鴦色。不過亦有Fans話,Kōki遺傳到父母木村拓哉同工藤靜香嘅靚樣,點影都冇得輸喎!

【睇相先!】

圖︰Kōki近鏡。(網上截圖)
圖︰Kōki側面照,可見妝容底色不均勻。(網上截圖)
圖︰呢個pose,配埋呢套衫,有木村拓哉的影子……(網上截圖)
圖︰其實… 嗰塊膠想表演啲咩?(網上截圖)
圖︰相信Kōki經已盡咗力,但幅相個color tone,係咪似似哋近期熱播嘅內地宮鬥劇呢?(網上截圖)
分享: