【隔空對罵!】工藤佑采︰係咪好耐冇見報? 黃心穎︰唔想同佢扯上關係

圖︰黃心穎回應記者提問,引起工藤佑采不滿。(ig圖片)

一篇報道,掀起落選港姐工藤佑采,以及2012年港姐亞軍黃心穎的隔空罵戰!工藤佑采昨日(9月2日)於ig發帖,鬧爆早前接受媒體訪問,對工藤佑采給予負面評價的黃心穎。工藤佑采於ig語帶激動指,「黃心穎我幾時有講過,我話比賽辛苦不滿意?從頭到尾,比賽完咗,我都冇講過 !」而黃心穎就話︰「新聞一則而已,亦不再回應了。」

黃心穎︰我頂佢唔順!

工藤佑采於ig帖文又話︰「黃小姐,你唔使咁護主心切喎!我如果係你接受訪問,就會話冇留意,冇回應啦! 因為支持吾支持,都係死路一條!順得哥情失嫂意!」她續指︰「其實你係咪好耐冇見報?所以要出嚟話一下我?咁我好支持你繼續話~千祈唔好停~咁我哋就可以一齊見報!」文中更串黃心穎︰「你堂堂三甲香港小姐,連閱讀理解都唔識?真係叻豬!」

睇返當日報道,黃心穎其實原本係話︰「唔係呀!幾有態度呀我覺得佢(工藤佑采)!」但當記者話︰「佢就話TVB呢,一個星期叫佢哋排4隻舞……」一講到「TVB」,黃心穎就突然變樣話︰「咁我覺得呢個就係佢唔啱啦!其實妳入得嚟選美,根本就會辛苦,我哋嗰陣時仲辛苦囉!我記得我哋係隔兩日就要做一樣要見記者,我覺得呢啲都係訓練嘅一種,妳take唔到嘅,咁就啱㗎喇個result!做唔到,咁其他人咁勤力,其他人又做到,點解妳做唔到呢?」

黃心穎又話︰「我初初以為佢嗰個黑面係佢跳舞嘅一種態度,如果唔係,而係佢做人嘅態度,咁呢樣嘢呢,就唔抵爭喇!」而上述嘅「怕辛苦論」,就令工藤佑采嬲到要在ig發文鬧人喇!而黃心穎今日(3日)回應記者提問時,忍唔住話︰「我頂佢唔順!」心穎又話︰「佢(工藤佑采)話(我)要靠佢搏上報?sorry,呢個係佢嘅動機,但我唔想同佢扯上關係,呢個人同我冇任何關係。」

分享: