【暗交半年?】傳陳瀅羅天宇秘密拍拖 睇戲要搵劉佩玥做掩護

圖︰有傳陳瀅(左一)、羅天宇(右一)傳暗交半年,日前更被影到一同現身去睇戲,但搵咗劉佩玥(中下)同周志文做掩護。(ig圖片)

羅天宇同湯洛雯今年3月分手,之後羅天宇被指與陳瀅暗交,雖然女方隨即否認;但據悉,羅天宇同陳瀅至今已秘密拍拖半年!早前更有傳媒拍得二人拍拖睇戲,仲搵埋劉佩玥同周志文等人做掩護,前後腳入場,陳瀅更提早半個鐘離開。

前後腳入場 陳瀅孖劉佩玥行後

據傳媒拍得之片段可見,睇戲當日,羅天宇同周志文先行向戲院,而劉佩玥同兩個女友人就慢慢於後方行向戲院,掩護最後方的陳瀅。而電影散場前半個鐘,陳瀅則提早離場,非常謹慎。

其實陳瀅本身屬「女神級」靚女,8月曾被拍到與分手兩年的何家公子何猷亨食lunch、行街;又被影到同律師Howie食飯,「小鮮肉」余德丞之後更加入去飲嘢;陳瀅唔公開戀情,唔通仲有變數?

圖︰陳瀅同劉佩玥一向愛「孖公仔」出遊。(ig圖片)
分享: