【出第一隻碟!】Judas籌備首張專輯 「錄音進度差唔多去到尾聲啦!」

圖︰Judas正籌備首張個人專輯,佢話要多謝翁瑋盈(Janet)同黃艾倫(Alan)嘅指導。(ig圖片)

23歲嘅Judas(羅凱鈴),於大埔busking時被網民攝下演出片段分享,而瞬間於網上爆紅!Judas今日(31日)仲喺ig貼出她與翁瑋盈(Janet)和黃艾倫(Alan)的合照,宣布佢首張專輯,「錄音進度差唔多去到尾聲啦!」並於帖文感謝今次所有合作嘅監製同伙伴;而消息一出,網民都紛紛話要買碟支持!

治愈系歌手 出碟都唔改棄basking

今年3月,Judas宣布自己於17年底已簽約經理人公司;而近月,見Judas都參與大大小小的不同演出,仲去埋澳門、上海等地演唱,更即將推出人生中第一張CD!不過對於busking,Judas就不只一次表示唔會改棄,「好多朋友都問我簽咗公司之後會唔會唔再busking,呢個肯定係不會嘅!因為公司畀咗好多自自由度我,我鍾意做咩就做咩,或者佢哋接咩(工作)返嚟,我唔鍾意都可以唔做,好多事都係取決於我自己嘅!」

而早前Judas亦有公開演唱由佢自己作曲、YouTuber薑檸樂填詞嘅《為你寫故事》。Judas話,由於自己basking時鍾意翻唱8、90年代嘅歌曲,所以呢首歌都係重現返當年流行嘅曲風。知道Judas可以推出自己嘅CD,有歌迷留言話︰「由busking走進商演,由香港唱到海外,由說唱會到出CD,看著你每次的躍進,証明你是《你本身的傳奇》!」又有樂迷話︰「好耐冇買碟。你的,一定支持!」,更有人話︰「有十年沒有買CD了,終於有買碟收藏的理由!」

圖︰Judas早前到上海演唱。(ig圖片)
圖︰Judas早前亦有為Hi-Fi碟錄音,翻唱梁詠琪的《一天一天》。(ig圖片)
圖︰Judas亦有於旺角麥花臣場館演唱。(ig圖片)
分享: