圖︰唔少人都知,鄧兆尊同時與3位女友拍拖,而最近就爆出佢疑有第4位女友。(ViuTV影片截圖)

唔少人都知,鄧兆尊同時與3位女友拍拖,3位女友仲可以有傾有講,相親相愛。最近更有傳佢有第4位女友,事關有傳媒影到兆尊孖「第2女友」車厘子,與一位女子行街,嗰位女子仲同兆尊行得好埋,畀兆尊搭膊頭、攬住行街!

「糟糠之妻不可棄」

鄧兆尊曾經於節目訪問中指︰「糟糠之妻不可棄」,而佢話3位女友都係「糟糠」。兆尊曾經話,佢首先與女友Carmen拍拖,Carmen曾因「第三者」而離開過佢,但最後因「第三者」冇兌現一啲承諾,所以Carmen回到兆尊懷抱;當時佢已經同車厘子一齊,而車厘子係幾位女友中最易話為嘅,所以都接受有其他女友存在。至於第3女友Claire,兆尊就話佢有異於常人嘅能力,仲幫過去解決一啲疑難!

令人驚嘆嘅係,3位女友可以一齊和平共處之餘,仲好似可以接受多一位女友加入兆尊嘅「大家庭」。至於呢位被傳係兆尊「第4女友」嘅女子,同另外3位女友一樣,都有身材比較豐滿圓潤,而且全程都好主動回應兆尊,聽佢講嘢,仲無視第2女友車厘子在場,搭扶手電梯時,成功「攝位」同兆尊並肩而行;到揀褲時,兆尊仲好專心陪呢位女子,車厘子就好似被「冷落」。

據悉,兆尊嘅3位女友係分開住嘅,Carmen同兆尊住喺摩理臣山道永祥大廈、車厘子就住菲林明道、Claire就住駱克道,都屬灣仔區;唔知遲啲會唔會見到呢位女子搬到灣仔住呢?

圖︰鄧兆尊曾經於節目訪問中指︰「糟糠之妻不可棄」,因此3位女友都唔放棄。(ViuTV影片截圖)
分享: