【開免費音樂會?】陳奕迅宣傳新歌《可一可再》 承諾2018年底出新碟!

圖︰Eason今日宣傳新歌《可一可再》,獲30家傳媒代表到場採訪。(影片截圖)

陳奕迅(Eason)上星期(24日)推出新歌《可一可再》,今日(30日)即開Live講新碟,更獲30家傳媒到場採訪。Eason於直播中承諾,將於2018年11、12月推出新碟《L.O.V.E.》,更表示希望自己斥資,與the duo band在香港開一場免費音樂會!

揚言自資開免費騷 「邀請我想鼓勵嘅群組出席」

Eason早於6年前構思這張新碟,希望收錄《DUO》世界巡唱隊員親自創作嘅歌曲。而最新推出嘅歌曲《可一可再》中,the duo band嘅隊員仲一同參與演唱此曲。Eason解釋,「呢首歌希望放在新碟,做最後一曲;我都有同陳詠謙提過,想畀隊員一齊唱呢首歌,佢都好聰明,將每個人嘅特色填入歌詞。」

Eason又話,佢一直都想同the duo band嘅成員,喺香港開一場免費音樂會。「我想邀請一啲我想鼓勵嘅群組來睇show,又或者bookrehearsal room live stream(現場直播)都得,冇觀眾冇咁大壓力,但仲安排緊。」佢又話自己出道以來,一直都未成立過歌迷會,Eason笑言︰「不如就趁今次搞一個啦!」

Eason最記得Ellen表情 扮盧凱彤講︰真係㗎?

在直播中,Eason被要求扮其中一位duo成員嘅表情,Eason想了想就話︰「都係阿妹(Ellen盧凱彤)啦!」隨即「碌大對眼」話︰「真係㗎?」Eason話︰「你無論同佢講啲咩,佢等一個反應都會係︰真係㗎?而當嗌佢上台,佢就會即刻︰『哦!』就上台喇。」

《可一可再》MV首播後,成為Ellen離世後首個有份參演而首播嘅MV,Ellen在MV中展露燦爛笑容,令不少樂迷動容!」Eason透露,MV中他和the duo band成員身穿的「ME」字T-shirt,代表「ME」和「WE」。「每一個成員都好有自己風格,係『ME』;而大家走埋一齊就係us!其實『ME』反轉就係『WE』,因為好有意思,亦代表到我哋,所以就一齊着呢件衫。」

Eason又承諾,將於2018年11、12月推出新碟《L.O.V.E.》,又笑言自己多年來都有一直為呢隻碟做宣傳,又係喎!大家其實一直都有聽Eason話要同the duo band一齊出碟,唔緊要,Eason話2019年一定出到,預計2018年11、12月,新碟就會面世喇!

圖︰Eason and the duo band於6年巡演出累積好多珍貴回憶,除咗出碟,稍後亦會推出紀錄片。(YouTube)
圖︰Eason在直播中,亦有談及好多鮮為人知嘅「怪癖」,仲話自己有強迫症。(影片截圖)
圖︰Eason話最記得Ellen嘅表情。(YouTube截圖)
圖︰Eason模仿Ellen的表情及口頭禪︰「真係㗎?」(影片截圖)
分享: